ანტიკორუფციული ბიუროს უფროსი რაჟდენ კუპრაშვილი, ბიუროს უფროსის პირველი მოადგილე თამთა კაჭკაჭიშვილი და იურისტ-ანალიტიკოსი ივანე ჩოგოვაძე ქალაქ სტრასბურგში, GRECO-ს (კორუფციის წინააღმდეგ მებრძოლ სახელმწიფოთა ჯგუფი) 95-ე პლენალურ სხდომას ესწრებიან.   პლენალური სხდომა განიხილავს 3 შეფასების ანგარიშს, რომელიც მოიცავს მე-5 შეფასების რაუნდსა და 13 შესაბამისობის ანგარიშს, რომელიც შეეხება მე-4 და მე-5 რაუნდის შეფასებებს.   GRECO-ს შეფასების მე-5 რაუნდი ეხება კორუფციის პრევენციას, კეთილსინდისიერების ხელშეწყობას ცენტრალურ მთავრობებსა (უმაღლესი აღმასრულებელი ფუნქციები) და სამართალდამცავ ორგანოებში, ხოლო მე-4 შეფასების რაუნდი მოიცავს კორუფციის პრევენციას პარლამენტის წევრებთან, მოსამართლეებთან და პროკურორებთან.

თავად ანტიკორუფციული ბიუროს უფროსის რაჟდენ კუპრაშვილის მოწვევითა და საერთაშორისო სამართლებრივი თანამშრომლობის გერმანული ფონდის (IRZ) მხარდაჭერით ექსპერტმა, დრეზდენის სამხარეო სასამართლოს ყოფილმა თავმჯდომარემ ურლიხ ჰაგენლოხმა ანტიკორუფციული ბიუროს თანამშრომლებისთვის ინტერაქციული შეხვედრა წარმართა.   შეხვედრის თემას “გადაწყვეტილების სტრუქტურა და სამართლებრივი კორესპონდენციის მომზადება“ წარმოადგენდა.   ულრიხ ჰაგენლოხი 2007 წლიდან აქტიურად არის ჩართული საქართველოში მიმდინარე სამართლისა და სასამართლო რეფორმებში. მან არაერთი წარმატებული პროექტი განახორციელა.   შეხვედრაზე განსახილველ თემებს სამართლებრივი კორესპონდენციის მომზადება, გადაწყვეტილების სტრუქტურა, გადაწყვეტილების დასაბუთებულობის სტანდარტი და პრაქტიკული მაგალითების განხილვა წარმოადგენდა.   ანტიკორუფციული ბიურო მადლობას უხდის საერთაშორისო სამართლებრივი თანამშრომლობის გერმანულ ფონდს (IRZ) მხარდაჭერისათვის.   შეხვედრას ასევე ესწრებოდნენ ანტიკორუფციული ბიუროს უფროსის მოადგილეები: თამთა კაჭკაჭიშვილი და ანა კალანდაძე; საერთაშორისო სამართლებრივი თანამშრომლობის გერმანული ფონდის (IRZ) სამხრეთ კავკასიიის პროექტების ხელმძღვანელი ფრანკ ჰუპფელდი; საერთაშორისო სამართლებრივი თანამშრომლობის გერმანული ფონდის (IRZ) საქართველოს პროექტების მენეჯერი ხათუნა დიასამიძე; საერთაშორისო სამართლებრივი თანამშრომლობის გერმანული ფონდის (IRZ) პროექტების კოორდინატორი საქართველოში სულხან გამყრელიძე.

ანტიკორუფციული ბიუროს ორგანიზებით მამხილებელთა დაცვის მექანიზმების გაძლიერებასთან დაკავშირებით სამუშაო შეხვედრა გაიმართა, რომელსაც სხვადასხვა სამინისტროსა და უწყების საგამოძიებო სამსახურის წარმომადგენლები ესწრებოდნენ. მხარეებმა მამხილებელთა დაცვის მექანიზმების შესახებ გამოცდილება გაუზიარეს ერთმანეთს და სამომავლო გეგმები განიხილეს. როგორც შეხვედრაზე აღინიშნა, პოტენციური მამხილებლები საჭიროებენ სამართლებრივ დახმარებასა და რჩევას. ამრიგად, მამხილებელთა დაცვის მექანიზმების გაძლიერებასთან ერთად მნიშვნელოვანია მათი მოტივირება, რჩევის მიცემა სწორი სტრატეგიის თაობაზე და, რაც ყველაზე მთავარია - სამართლებრივი დახმარების აღმოჩენა. ანტიკორუფციულ ბიუროს, იურიდიული დახმარების სამსახურსა და საქართველოს ადვოკატთა ასოციაციას შორის სამმხრივი მემორანდუმი გაფორმდა, რაც მამხილებელთა დაცვის მექანიზმების გაძლიერებას შეეხება.  მემორანდუმის ფარგლებში მხარეები შეთანხმდნენ, რომ ერთობლივად შეუწყობენ ხელს მამხილებლის დაცვის მექანიზმების განვითარებასა და ევროპულ სამართალთან ჰარმონიზაციას. ასევე ის მოიაზრებს ერთობლივი მექანიზმების შემუშავებას მამხილებლის უფასო ფსიქოლოგიური და იურიდიული კონსულტაციის უზრუნველყოფის მიზნით; მათ გადაწყვიტეს, რომ ერთობლივად უზრუნველყოფენ კონსულტაციის პროცესში მონაწილე ადვოკატებისა და საჯარო მოსამსახურეთა პროფესიულ მომზადებას.  შეხვედრას ასევე ესწრებოდნენ: საქართველოს ადვოკატთა ასოციაციის თავმჯდომარე, დავით ასათიანი; იურიდიული დახმარების სამსახურის დირექტორი, დავით სიმონია;  ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე;იურიდიულ საკითხთა კომიტეტის პირველი მოადგილე დავით მათიკაშვილი; საქართველოს სახალხო დამცველი ლევან იოსელიანი;  საქართველოს იუსტიციის მინისტრის მოადგილე თორნიკე ჭეიშვილი; სახელმწიფო უსაფრთოხების სამსახურის ანტიკორუფციული სააგენტოს დირექტორი შოთა რიჟამაძე; საქართველოს შინაგან საქმეთა მინისტრის მოადგილე ალექსანდრე დარახველიძე; საქართველოს თავდაცვის მინისტრის მოადგილე გრიგოლ გიორგაძე; საქართველოს ფინანსთა სამინისტროს საგამოძიებო სამსახურის უფროსი სოსო რამიშვილი; საქართველოს გენერალური პროკურატურის კორუფციულ დანაშაულზე სისხლის სამართლებრივი დევნის სამმართველოს უფროსი გიორგი გოჩაშვილი; სპეციალური საგამოძიებო სამსახურის უფროსის მოადგილე,  ნათია სონღულაშვილი; ანტიკორუფციული ბიუროს უფროსის მოადგილეები თამთა კაჭკაჭიშვილი და ანა კალანდაძე.